Presentados pola profesora, Pilar López, e moderando o relatorio a profesora, Ana Otero, os tres exmembros do Parlamento de Galicia fixeron cadansúa presentación sobre o traballo que se desenvolve no Parlamento e o labor que o seu grupo político levou a cabo durante o seu período como deputadas.

O alumnado fíxolles preguntas do máis interesantes e variadas sobre a institución representativa do pobo galego.

“Dende o IES Río Cabe queremos agradecer a súa visita e felicitar ao Parlamento de Galicia pola grande importancia deste tipo de actividades que mostran e espallan os valores da democracia entre a xente moza”, conclúen desde o centro.