O concello do Incio vén de adquirir unha escavadora para a prestación de servizos municipais. O alcalde, Héctor Corujo, foi o encargado de recibir a máquina, que foi entregada por Fernando José López Méndez, responsable da empresa Fevisa Vías y Obras S.L.

Trátase dunha máquina modelo Hidromek 102S, con diferentes cazos retro e cazo dianteiro que pola súa versatilidade permite que poida ser utilizada en traballos moi diversos. Grazas a este equipamento o concello dota á brigada de obras e servizos de maquinaria que permitirá dar resposta a necesidades como reparacións de camiños, da rede de abastecementos ou saneamentos, retirada de neve, acometer pequenas obras, etc., “dunha forma máis eficiente e rápida e que en definitiva mellorará os tempos de resposta ante todos tipo de incidencias e a calidade de vida dos veciños e veciñas”, sinalan desde o concello.