O vindeiro sábado 16 de decembro ás 17 h. a entidade dinamizadora Segredos de Pantón convida a un concerto na Igrexa de Santa María de Tuiriz.

Da man do dúo ALENDALÚA os asistentes poderán viaxar á Idade Media grazas aos temas musicais que estarán no repertorio desta formación composta por Irma Fernández Alonso e Juan Manuel Vázquez. Entre as pezas, haberá lugar para Cantigas de Santa María e panxoliñas do Cancioneiro de Palacio.

O evento está organizado por Segredos de Pantón conxuntamente coa asociación sociocultural “Tuiriz con U”, e conta coa colaboración da Diócese de Lugo.

A entrada é de balde e non hai que anotarse, tendo ademais un remate moi doce, con chocolatada para todas e todos. A ubicación da igrexa onde se realizará o concerto é a seguinte: https://maps.app.goo.gl/dHAAkdTnJrNtrv6g7