Alumnado dos ciclos superiores de Administración e Finanzas e de Asistencia á Dirección do IES A Pinguela veñen de realizar unha viaxe a Milán para visitar en Rho a feira de empresas Artegianato in Fiera.  

Trátase dunha moi importante mostra de empresas artesáns de todo o mundo que acolle nas instalacións do que foi a Expo de Milán. Alí están presentes propostas artesáns non só de todas as rexións de Italia senón de distintos países dos cinco continentes, polo que tamén axudou ao seu achegamento a outras manifestacións culturais.

A expedición do centro de ensino monfortino aproveitou tamén a estancia para recorrer Milán na busca das súa riqueza artística e achegarse á cidade de Venecia.