Segundo avanzaron os populares, a aposta, que está a realizar o Executivo autonómico, continúa este ano co financiamento de 218 prazas nos 9 concellos da Zona Sur. “A gratuidade na educación de 0 a 3 anos é un servizo esencial e, por iso, consideramos que o esforzo inversor que está a facer o Goberno galego debe de ser posto en valor”, afirmaron.
Tanto Arias como Quitián trasladaron aos participantes no encontro que, coa colaboración económica da administración autonómica, o número de novas prazas neste municipio duplicouse e hoxe ascende a 41. Isto é posible tamén a que a entidade local recibiu da Consellería de Política Social 215.000 euros que permitiron a ampliación da gardaría existente, situada no colexio Virxe do Carme e creada en 2005, para convertela na actual escola infantil. A popular, que concorre ás eleccións ao Parlamento de Galicia como número 6, indica que a axuda “está a ser moi ben acollida” entre os pais e nais de Sober e lamenta que outros municipios como o de Monforte de Lemos declinasen solicitala.
Polo que respecta ao resto de municipios da Sur, o número de prazas que financia a Xunta de Galicia este curso é de 82, en Monforte; na Pobra do Brollón e outras tantas en Ribas de Sil e O Courel; 20 en Quiroga, Bóveda e Pantón; e 41 no Saviñao.
Con esta medida “ambiciosa e necesaria impulsada polo Goberno galego”, segundo destacou Arias, son máis de 31.000 familias galegas as que aforran cada ano uns 2.000 euros na educación dos seus fillos. En total, o Executivo de Rueda destina a esta iniciativa 60 millóns de euros.
