O BNG solicita o arranxo integral da N-540 con unha concentración a altura de Meixonfrío (Taboada), na que participaron Nestor Rego, deputado do BNG no Congreso, Efrén Castro, deputado na Deputación Provincial, José Portela, tenente alcalde de Taboada xunto con concelleiros das vilas por onde pasa a N-540 e veciñanza de Monterroso, Taboada e Chantada.

“Nos vindeiros orzamentos que se presenten no Congreso o BNG pedirá ao Ministerio de Transportes, Mobilidade e Axenda Urbana que se inclúan unha serie de partidas para o arranxo integral desta estrada”, informou Néstor Rego ás persoas alí congregadas.

O BNG esixirá que o goberno do Estado actúe de maneira inmediata naqueles puntos  da estrada onde o perigo para a circulación e maior, pois na mesma existen puntos onde se precisan actuacións de forma inmediata.

N-540 concentración / BNG LugoSul