Todo apunta a que uns actos vandálicos, que puideron acontecer o sábado 20 pola noite, deixaron unha intolerable desfeita nun parque infantil que hai no Paseo Fluvial monfortino, á altura da pasarela da Pinguela, na zona de Covas.

A zona infantil afectada é un circuito de cemento son sinalización horizontal e vertical, rúas e incluso rotondas. Un espazo ideal para que a cativada vaia coas bicicletas e se familiarice coa seguridade viaria.

Pois ben, na mañá do domingo os 28 sinais verticais que ten este circuito apareceron arrincados e algúns incluso esnaquizados, unha auténtica desfeita que indignaba aos paseantes e facía mal á vista.

Ademais dos sinais, tamén se aprezaban tramos do valado de madeira do paseo fluvial rotos e tirados ao chan.