O Centro Social de Quiroga vai poñer en marcha unha nova actividade, un “Faladoiro”. Trátase dunha actividade que impulsada pola Concellería de Servizos Sociais, consistirá  en charlas-coloquios arredor dun tema e dunha persoa convidada que achegue experiencia e vivencias sobre o mesmo. Terán lugar o derradeiro mércores de cada mes.

No Faladoiro do 31 de xaneiro, Mari Carme do Freixeiro abordará a atención e comprensión ás persoas maiores e a experiencia de superar unha enfermidade grave. A convidada contará as súas experiencias como extraballadora do servizo de atención ao Fogar e como loitadora contra unha enfermidade grave.

As persoas que asistan poden intervir no coloquio que ten como obxectivo –como matizou o concelleiro de Servizos Sociais, Xosé Manuel Fernández- “coñecer aspectos da vida que compartidos sempre se levan mellor, ademais da aprendizaxe que se pode sacar da interacción social”.