A ampliación que se vén de anunciar suporá incrementar o Polígono do Reboredo en 27,5 hectáreas máis (275.000 m2), que é un 74,20% da superficie actual (370.600 m2). Tomé engade a cesión que a Deputación de Lugo levou a cabo de parcelas adquiridas no seu día; actuarase na parte noroeste e supón incrementar a superficie en 16,5 hectáreas.
“Sumando as dúas ampliacións, o Polígono de O Reboredo pasará a ter unha superficie superior ós 800.000 m2, cunha proxección de futuro moi importante”, subliñou o Alcalde. O Parque Empresarial de Reboredo está ocupado ó cento por cento e, tanto o Concello de Monforte, como o SEA e a Delegación do Goberno en Galicia xa adoptaran o acordo para dotar de máis chan industrial a unha comarca que o estaba demandando.
Polígono Reboredo melloras
O concello monfortino leva desenvoltas diversas actuacións de mellora no Polígono do Reboredo nos últimos anos, como a nova vía de medio quilómetro construída na zona oeste, na que o Concello aportou 235.627,16€, as actuacións de reforma dunha nave municipal que foi convertida na sede do primeiro Viveiro de Empresas industrial que ten o Concello de Monforte, e no que investiu 235.913,45€ ou os traballos de mellora do firme da estrada provincial que vai dende Monforte ó polígono industrial de O Reboredo, en concreto, a estrada LU-P-3205, para o que se destinou un orzamento de 315.000€. No 2023, o Alcalde anunciou un inventimento de 5.000.000 € para unha nova depuradora no Polígono.
O éxito do Polígono tradúcese no interese crecente de empresas por implantarse no mesmo, como o caso anunciado da farmacéutica Kern Pharma, que construirá unha planta de produtos inxectables, cun investimento de máis de 60M€ e con máis de 100 empregos, ou a ampliación e mellora das instalacións da empresa de produtos lácteos Oviganic Ibérica, e novos proxectos industriais que están en fase de anteproxecto. Ou o caso de Alumetal e Ramiro Vila, entre outras, que son outras das empresas que se instalaron no Polígono do Reboredo.
