Os cantos de taberna en Sarria teñen un nome de seu: Estremonía Cantada, actividade que este ano chega á súa VIII edición e celébrase este sábado, 16 de marzo.
A organización do evento corre a cargo da Asociación Peleriños, a Sociedade A Unión e o Concello de Sarria, contando coa colaboración dos establecementos hostaleiros participantes seguintes: Travesía dos Soños, Tapas, Casino, Montecarlo, Xarope, Central, Oceánico, D’Pont, Don Pepe, D’Orixen, Roberto, Santiago, Isla, España, As de Picas e El Faro.
DÚAS RUTAS E DEZASEIS GRUPOS
Os Cantos de Taberna estarán distribuídos en dúas rutas, unha denominada ‘Ruta Branco’ e outra bautizada como ‘Ruta Tinto’, contando coa participación de dezaseis grupos chegados de diferentes puntos de Galicia.
Na Ruta Branco actuarán: Gaiteiros de Goián, @s Pantox@s, Lady Butelo e os Cabaleiros do Espazo, Os Ministreles, Cantareiros do Naval, As Macizas Centrais, Son do Mao e Xampó.
Na Ruta Tinto estarán: Birloque gaiteiros, Os Parrandas, Cantareiros da Unión, Familia Rois, Tokaide, Son Outeiro, Mestura de Nete e AC Andrade.
FIN DE FESTA
O percorrido dos cantos de taberna comezarán ás 18:30 h. e rematarán ás 22:00 h. estando programada ás 22:30 h. unha Cea de Fin de Festa no local da entidade sarriá A Unión. Despois da cea amenizará o encontro Cé Orquestra Pantasma.
CANTOS DE TABERNA PARA A CATIVADA
O 6 de abril está programada a 2ª Edición dos “Cantos Pequenos” (de taberna). Trátase dunha ruada por Sarria e un percorrido por establecementos do Malecón a partir das 18:00 h. Os grupos aínda están por confirmar.
