O Concello da Pobra do Brollón acolle unha interesante xornada este xoves que reunirá a rapaces e rapazas de toda Galicia para demostrar o ben que se lle dá a improvisación oral.

A partir das 18:30 h. a Casa da Cultura ‘Olga Novo’ será o punto de encontro e o escenario dunha mostra aberta ao público de brindo e regueifa na que participan o CEIP da Pobra do Brollón, o IES Río Cabe (Monforte), o IES Basanta Silva (Vilalba), o IES Marco do Camballón (Vila de Cruces), o CPI Alfonso VII (Caldas de Reis) e o CPI Poeta Uxío Novoneyra (O Courel).

Ademais da mostra, ao longo da xornada realizarase unha visita ao colexio da Pobra do Brollón e unha ruta polo Camiño de Inverno para os participantes.