Os veciños da Rúa Reboredo dende o numero 118 en adiante manifestan nun comunicado o seu malestar polas obras que se están a realizar na mellora do paso a nivel desta rúa monfortina.

“Tal como organizaron o trafico se queremos ir a comprar a tenda do Lázaro ou ao Forno de Carud, por exemplo, temos que ir polo camiño de Bouza Brey ata o paso de Francisco Escultor Moure ou por Piñeira”, quéixanse os veciños, e lamentan que habendo sitio para pasar os peóns, a empresa que executa as obras non deixara alternativa de paso.

“O que máis nos enfada é que nunha tarde desta semana estaban 4 persoas traballando na zanxa, 2 encargadas, 1 palista, 1 camioneiro e SETE persoas mirando para o aire. ¿Acaso non podería haber 1 deles regulando o tránsito peonil?”, pregúntanse os veciños afectados, que trasladaron as súas demadas ao concello. Pola súa banda a administración local suxeriu poñer a reclamación oportuna á empresa que executa a obra. .