Como prólogo da Mostra, o xoves, 9 de maio, ás 20:30h na adega do Pazo de Ferreiroá haberá cata de viños de todas as adegas participantes. A cata estará comentada polo enólogo, Alfonso Losada Quiroga, “Para nós é unha persoa ilustre que nos dará a coñecer o viño máis alá dunha copa”, explicaba Cristina Domínguez.
Nesta XXIX edición participan 10 adegas: Alma das Donas, Casa Moreiras, Finca Míllara, Ciudaseis, Nogueiras, Capilla, Saíñas, Don Ventura, Corzoás e Fento Wines (novidade). A apertura das casetas farase ás 12:00h do sábado e media hora despois entregaranse os premios do IX Concurso Fotográfico Red Ribeira Sacra-Viticultura Heroica. No recinto feiral haberá ademais de degustación do viño, produtos de gastronomía.
O resto da programación da Feira é a seguinte:
SÁBADO:
- 13:00h. Inauguración da XXIX Mostra dos Viños da Ribeira Sacra de Pantón por D. Antonio Acevedo Prado, Director Xeral de Maiores e Atención Sociosanitaria.
- 13:30h. Brinde Día Movemento Viño D.O., brinde simultáneo en todas as D.O. de España.
- 14:30h. VII Festa da Empanada no recinto do Castro.
- 21:00h. e 00:00h. Música a cargo da Orquestras Gran Parada.
DOMINGO:
- 12:30 Recepción de autoridades no recinto feiral
- 13:00 Pregón da XXIX Mostra de Viños da Ribeira Sacra de Pantón a cargo de Dona Alexandra Seara Sobrino, Xerente do Consorcio de Turismo da Ribeira Sacra.
- 16:30 Actuación da Batukada XdL (Xograres de Lemos)
- 19:00 Actuación da orquestra Saudade
Nas dúas xornadas contarase con ambientación musical de charangas. Haberá tamén servizo de autobuses con Monforte e Escairón. Este servizo ten cada vez máis demanda e próximamente daranse a coñecer os horarios.
Presentación Mostra de Viño da Ribeira Sacra de Pantón 2024 / Concello de Pantón
O alcalde, José Luis Álvarez, destacaba a importancia desta cita para promocionar o municipio e os seus viños, sendo ademais un dos principais atractivos na axenda festiva de Pantón. O rexedor animaba á participación, “Somos o único concello da Ribeira Sacra con tres ribeiras, iso xa é especial. Tamén é especial porque que é das últimas feiras que se celebran na D.O. e é moi bonita, quedades todos convidados”.
Cristina Domínguez aseguraba, “Mantemos o encanto dunha feira tradicional e pequena, con carácter cercano para veciños e visitantes que nos acompañan. Para o pregón contamos cunha persoa que é veciña e coñecida. Para nós é unha honra que Alexandra Seara sexa a pregoeira desta edición porque é moi querida por todos e porque queriamos que este ano pregoase unha muller e non calquera muller”.
Despois desta Festa de Interese Turístico de Galicia, Pantón acollerá unha nova edición de Rota do Románico.
