Segundo apunta a Federación, “o proxecto de macrocelulosa busca obter inxentes fondos públicos, por volta de 300 millós de euros, para facer pasar por economía verde e descarbonizadora algo que non o é, ameazando ecosistemas como o río Ulla e a ría de Arousa e pondo en risco o sector agrogandeiro – tan necesario – da comarca da Ulloa”.
Alerta de que se ameazan especies protexidas e unha zona catalogada como Rede Natura. Asemade, sinalan que a produción de fibra a partir de eucalipto afondaría no aumento da superficie desta especie invasora no interior galego, ademais dos riscos na saúde das persoas que provoca esta actividade.
“Como territorio que vivimos, tamén, a ameaza de especulación dos nosos recursos por parte de grandes complexos industriais, reivindicamos a necesidade de plans económicos nas nosas zonas que teñan en conta a sustentabilidade ambiental e a xeración de riqueza entre a poboación”, aseguran desde a FEARS.
“As Administracións deberan apostar por investir os 250 millóns de euros de Fondos Next Generation que reclama o proxecto de Altri para ser viable en actividades económicas na zona interior galega que señan medioambiental e socialmente viables, centrándose no necesario desenvolvemento da agrogandeiría sostible, nun contexto de necesidade de soberanía alimentaria”, conclúen desde a Federación de Asocacións da Ribeira Sacra.
