A Garda Civil investigou a un veciño de Salamanca, de 32 anos de idade, como suposto autor dun delito contra a seguridade viaria ao ser ‘cazado’ circulando a 190 quilómetros por hora pola N-120, á altura do municipio lucense de Pantón.
Segundo informa o Instituto Armado, ocorreu o pasado 19 de abril, cando un cinemómetro captou a un turismo a esa velocidade cando o límite é de 90 km/h, ao ser a máxima xenérica para ese tipo de vías. Ademais, nese tramo había unha indicación de perigo por baixada con pendente do 6 por cento.
Así, a Garda Civil comezou un labor de investigación para poder identificar o condutor do vehículo que consistiu en observar as fotogramas do cinemómetro, rastrexar os potenciais usuarios do coche e localizar en perfís abertos de redes sociais aquelas publicacións que conseguisen situar ao vehículo e ao seu condutor nun lugar próximo aos feitos.
