O alcalde de Monforte e presidente da Deputación de Lugo, José Tomé Roca, acompañado polo concelleiro de Deportes, José Manuel Mougán, fixo entrega o sábado pola mañá das medallas correspondentes á V Gala de Ximnasia Rítmica.

Esta gala foi organizada polo Club Rítmica Kendra, en colaboración co Concello de Monforte, e celebrouse no remodelado Pavillón Polideportivo da Pinguela, que estaba ateigado de familiares e amigos das participantes. O encontro contou coa participación de arredor de 140 ximnastas, a maioría monfortinas, pero tamén doutras localidades da comarca de Lemos.

Este domingo a tenente de acalde de Monforte, Gloria Prada, fixo entrega dos trofeos correspondentes ó V Torneo de Fútbol 8, que foi organizado polo Club de Fútbol Monforte, en colaboración co Concello de Monforte, e celebrouse no campo municipal de fútbol Luis Bodegas.

Tamén o domingo, o alcalde de Monforte, acompañado polo presidente da Federación Galega de Baloncesto, Julio Bernárdez, e polo director comercial de Autocares Rías Baixas, José Zapico, facía entrega das medallas e trofreos correspondentes á xornada final da Liga de Veteranas de Baloncesto, que se celebrou no Pavillón polideportivo Municipal de A Pinguela, e reuníu ós mellores equipos de Galicia nesta categoría.

O evento foi organizado pola Federación Galega de Baloncesto (FEGABA) e polo CB Val de Lemos.

Ademais do club monfortino, participaron os clubs Kempaperas de A Coruña, Estudiantes de Pontevedra, Golfiños de Sada, La Salle Santiago, Basquet Aurum de Ferrol, Dos Más Uno Alzai de Santiago, Perusiñas de Lugo, e Rodaballo de Vigo. O Alcalde entregou as medallas ós diferentes equipos participantes, así como ó club gañador do torneo que foi o Perusiñas de Lugo.