O ISSGA, Instituto de Seguridade e Saúde Laboral de Galicia, no seu Plan de actuación 2024 recolle no seu eixe 5, “Promoción da prevención, mellora da xestión e redución da sinistralidade”, un programa específico para persoal traballador de atención directa a persoas con dependencia e axuda no fogar.
Fixéronse as xestións correspondentes coa empresa encargada da formación, Gestión Plus, coa empresa do Servizo de Atención a Domicilio, Attende Care, e coa dirección do Centro de Día para facilitar esa formación a traballadoras destes dous servizos de atención directa a persoas con dependentes e axuda no fogar.
Desde a Concellaría de Servizos Sociais de Quiroga destácase que con estas accións concretas, pódese axudar a dotar de ferramentas a estes traballadores e que melloren a súa seguridade e a súa saúde física e psíquica, “Estas accións repercutirán tamén no benestar das persoas que reciben a atención, xa sexa nas súas casas xa sexa no Centro de Día”.
