Os nacionalistas de Pantón aseguran que as obras da rede ferroviaria afectan ás parroquias de San Fiz de Cangas, Santiago de Cangas e San Xoán de Frontón, das máis poboadas do concello. “A situación é gravísima, sabemos e entendemos as obras da rede ferroviaria, pero iso non pode impedir oa habitantes acceder ás súas casas en condicións de seguridade”, di RosaAna Prieto, portavoz municipal do BNG.
“Esiximos o arranxo das estradas e que se proceda á súa roza de maneira inmedia porque no século XXI os servizos públicos son un dereito conquistado, non herdado do medievo”, lembran os nacionalistas en clara referencia ao Presidente da Deputación e Alcalde de Monforte que vén de recoñecer como Fillo Adoptivo de Monforte ao Conde de Lemos “cuxo único mérito para obter o recoñecemento foi nacer”.
“Se non se procede a dar unha solución mobilizarémonos e pediremos amparo á Valedora do Pobo e incluso pensamos en acudir a Europa, porque esta situación non se pode aguantar máis tempo”, aseguran dende o BNG de Pantón e lembran que no verán aumenta a poboación e tamén o tráfico, e por ende a perigosidade.
Estrada Provincial Pantón / BNG Pantón
