A estrada provincial LU-P-4201 dá servizo ós concellos de Paradela e O Saviñao. Concretamente, as obras afectarán ó tramo que vai do quilómetro 8 ao 11,850 e a adxudicataria é a empresa Ogalia Contratas SL por 131.164€.

Os traballos consistirán no acondicionamento do firme, a reapertura de cunetas, e repavimentación de zonas degradadas. Ademais, a empresa inclúe melloras como o aumento do prazo de garantía en 3 anos e a redución dos tempos de execución en mes e medio, unha vez iniciadas as obras.

No mandato pasado, a Deputación xa investiu medio millón de euros para a mellora e renovación do pavimento de 12 quilómetros de estradas que unen Paradela e Currelos, no Saviñao. Esta mesma, a LU-P-4201 (en tres tramos); a LU-P-4205; e a LU-P-5818.