Os populares lamentan que coa campaña de verán inciada estean sen desbrozar as estradas provinciais, en particular as da Ribeira Sacra, “Se de verdade queren que esta zona da provincia sexa Patrimonio da Humanidade preocuparíanse de que as súas propiedades luciran e estiveran en estado de revista e en realidade téñenas abandonada”.

“Mentres os concellos e a propia Xunta de Galicia traballan na limpeza das estradas da súa titularidade e se preocupan porque estean en boas condicións para garantir a seguridade, vemos o a Deputación segue desatendendo unha das súas principais funcións”, critica Ameijide.

Os deputados populares revisaron estradas provinciais en diferentes municipios, como Sober e Pantón, nos que comprobaron como ademais do desbroce e limpeza da maleza “urxe realizar un mantemento axeitado xa que son numerosos as fochancas que dificultan a circulación”.

“Un ano máis o goberno provincial vai tarde cos desbroces das estradas provinciais, o que evidencia unha alarmante falta de traballo e dilixencia de socialistas e nacionalistas no mantemento das estradas en toda a provincia”, conclúen os populares.