A cita, que naceu como un festival de música afeccionada da Ribeira Sacra hai agora tres anos, suma este ano como novidade unha “Festa da Xuventude”.

O Goberno local mantén o mesmo escenario para esta festa dos anos anteriores, pero incorpora algúns cambios. O formato da celebración mantense con actuacións que volven ser de tarde e a asistencia é gratuíta.

PROGRAMA

Ás 20:00 horas está programado un concerto da Banda de Música da Comarca de Sarria, e a partir das 22:00 horas vaise celebrar a Festa da Xuventude. Unha proposta dirixida aos mozos e mozas da vila e da Comarca, así como aqueles que se atopan na zona de vacacións, para que vivan unha noite de festa coa discoteca móbil ‘Hermo disco truck’.

Esta festa, que organiza o Concello de Bóveda, conta coa colaboración da Xunta de Galicia e do programa Tradigalu da Área de Cultura da Deputación de Lugo.