O 31 de xullo está programado o ‘Roteiro da Arte Urbana de Quiroga’, unha actividade guiada por un traballador do concello que dará a coñecer ás persoas interesadas os 11 murais cos que conta na actualidade o núcleo urbano da vila. Está prevista unha pequena parada e cada un deles para ofrecer aos participantes información sobre o mesmo.
O punto de encontro do roteiro será ás 20:00 h. no Auditorio de Quiroga sendo o percorrido en dirección á Casa do Concello. Ao remate, na Casa do Estanco haberá unha cata de viño cara as 21:00 h.
E como remate da actividade o concello ten tamén programado un concerto de balde no anfiteatro do Auditorio de Quiroga, actuación a cargo da banda local ‘Mario Colomán & The Clocksband’ ás 22:00 h.
Para participar no roteiro guiado e na cata cómpre anotación previa chamando ao 982 435125 ou enviando un email a cultura.quiroga.quiroga@eidolocal.es
COÑECE OS MUSEOS DE QUIROGA
Na mesma semana, pero xa o 2 de agosto, o concello convida a coñecer os museos etnográfico e xeolóxico facendo un percorrido diferente. O punto de encontro será no Museo xeolóxico ás 9:00 h. e a actividade é de balde. Como remate, nesta ocasión haberá unha degustación de produtos locais da man da empresa Caurelor.
Para formar parte desta actividade, tamén de balde, hai que inscribirse chamando ao 982 435125 ou enviando un mail a cultura.quiroga.quirofga@eidolocal.es
As dúas actividades forman parte do programa turístico ‘Descubrir Quiroga’, que organizan as concellerías de Cultura e Turismo do concello, e que está financiado pola Deputación de Lugo.
