A Cofradía Amigos do Viño da Ribeira Sacra constituiuse como Asociación Cultural, e como tal creouse o 29 de decembro do 2008, tendo como Presidente a Manual Rajo; Vicepresidente, Felipe Mariño e Salvador Pagazaurtundua como Secretario. Este colectivo ten como finalidade promover o desenvolvemento económico e sociocultural da Ribeira Sacra, desenvolver actividades que difundan os viños da Ribeira Sacra e a súa cultura, facilitar a promoción e formación das persoas que teñan interese no mundo do viño, proporcionar espazos de encontro que estimulen a creatividade en torno ao viño, promover a interculturalidade e os intercambios con outros países, xerar alternativas educativas de lecer e tempo libre, informar á sociedade en xeral sobre as distintas vertentes do mundo do viño, protexer a contorna natural e os recursos patrimoniales e culturais relacionados co mundo do viño.

Balseiro indicou á confraría que pode contar co asesoramento que precise por parte dos servizos técnicos de Turismo de Galicia e da Consellería do Medio Rural para desenvolver as súas actividades. Segundo o delegado da Xunta, este tipo de asociacións desenvolven un importante traballo na conservación da cultura e a tradición gastronómica e subliñou o enorme potencial confraternizador da gastronomía.

Nos próximos meses presentarase o Plan de Enogastronomía que está elaborarando Turismo de Galicia. Segundo Balseiro, desde o punto de vista do turismo, a gastronomía gaña peso como un dos principais motivos polos que viaxan os cidadáns. No caso de Galicia, a gastronomía é a segunda razón pola que os turistas deciden visitar a Comunidade, só superada pola natureza, como se pon de manifesto na Estratexia do turismo de Galicia 2020.