O programa, no que a Consellería de Emprego, Comercio e Emigración colabora coa Axencia Turismo de Galicia e coa Fundación Ronsel, utiliza a metodoloxía da mentorización, que se basea na relación de confianza entre o titor e a persoa acompañada. É unha fórmula pola que aposta a Xunta para desenvolver o potencial das persoas participantes, garantindo o acompañamento permanente dun mentor e a creación dunha rede de contactos profesionais para mellorar a actividade profesional.

Deste xeito, no caso concreto deste venres, segundo puxo en valor o secretario xeral, camiñaban canda el unha ducia de emprendedores, a metade deles mentores e a outra metade persoas asesoradas por eles. Sobre os sectores nos que desenvolven o seu traballo, destaca o das actividades artísticas, recreativas e de entretemento, pero tamén o das comunicacións, entre outros.

Pablo Fernández destacou que o impulso ao emprendemento e ao traballo autónomo é a mellor aposta para xerar progreso e innovación, dinamizar o territorio e fixar poboación. Por iso, indicou que a Xunta está a poñer en marcha programas como o Galicia Camiño Emprendedor para dar apoio aos autónomos, xunto con outras axudas como a cota cero para novas altas implantada este ano ou o Bono Remuda para garantir a continudade dos negocios, ambas con prazo de solicitude aínda aberto.

Secretario xeral de Emprego, Galicia Camiño Emprendedor / Consellería de Emprego