O Concello de Monforte mellorou as vías, aparcadoiros e beirarrúas municipais situadas na contorna do Campo municipal de fútbol, o Pavillón polideportivo, a Piscina municipal e as Pistas de tenis. O proxecto contou cun orzamento de 223.715,10 euros e foi adxudicado á empresa Francisco Gómez y Cia SL por 188.180€ .
O Alcalde monfortino explicou que “a causa da reforma do Pavillón de A Pinguela, fixéronse actuacións sobre o seu entorno, polo que é necesario reordenar as circulacións e as prazas de aparcamento que dan servizo ás instalacións deportivas municipais, así como ós edificios de vivendas existentes na zona.”
Así, os cambios que supoñen este proxecto de mellora son que no lateral-frontal da piscina, suprímese a entrada para reducir a velocidade de acceso e nese espazo situaranse 3 prazas de autobús e 2 prazas de discapacitados, dándolle continuidade á beirarrúa, plantando 3 árbores de sombra e colocaranse bancos.
Con todo búscase unha ordenación do tráfico máis funcionar, cómoda e segura. Haberá 263 prazas para turismos, 8 para discapacitados, 3 para autobuses e outras prazas para motos e bicicletas, cun total de 274 prazas para vehículos.
“A contorna estará así acorde co novo Pavillón polideportivo e coa nova Piscina municipal, dando resposta ós centos de usuarios que se achegan a estas instalacións cos seus vehículos, e que contarán con máis prazas de aparcamento e mellores accesos”, concluíu o alcalde.
