A “Festa da Castaña” de Folgoso do Courel está considerada como Festa de Interese Turístico de Galicia, e ese ano alcanza a súa 35ª edición.
Rendendo tributo a un dos seus produtos autóctonos por excelencia, a excepcional castaña do Courel, o concello presenta un amplo programa de actividades durante todo o día. Pola mañá, ás 12:00 h., comezará xa a festa coa música da agrupación Courelouzara e unha primeira degustación de castañas e viño para os asistentes.
Ás 13:30 h. terá lugar o pregón a cargo do cociñeiro Kike Piñeiro, do restaurante A Horta d’Obradoiro de Santiago de Compostela. A continuación entregaranse os trofeos do V Concurso de Tapas Castaña do Courel que tivo lugar en datas anteriores.
Xa pola tarde, ás 15:00 h. actuación do grupo tradicional Os Galoieiros, chegados grazas ao ciclo Tradigalu que impulsa a Área de Cultura da Vicepresidencia da Deputación de Lugo, e ás 17:00 actuación do grupo quirogués O Recanto e a charanga Nova de Trives. Neste punto farase unha nova degustación de balde de castañas asadas e viño para as persoas asistentes.
Pola noite, a partir das 21:00 h. cea popular nunha carpa e a continuación actuación do dúo La hora bruja. O prato forte a noite, o concerto do grupo Gin Toni’s ás 24:00 h.
