Este 11 de decembro celebrouse o 25 aniversario do Camiño Francés como Patrimonio Mundial da Humanidade e a provincia de Lugo estivo representada na medida en que é a provincia galega con maior extensión de itinerarios de peregrinación. Algúns aínda non está recoñecidos oficialmente, pero son camiños alternativos que atravesan os concellos da provincia e que supoñen un importante impulso económico e cultural.
Desde a Deputación sinálase a importancia de impulsar a promoción cara ao exterior das rutas de peregrinación lucenses “para xerar riqueza”.
A celebración deste martes incluiu a iluminación dos monumentos máis emblemáticos polos que pasa o Camiño Francés. No caso da provincia de Lugo, o alumeado fíxose sobre na Igrexa de Santa María a Real do Cebreiro, San Salvador de Sarria e San Nicolás de Portomarín.
Polo sur da provincia pasa a ruta Camiño de Inverno, a asociación camiños de Santiago pola Ribeira Sacra, que traballa na promoción deste ruta, celebra o día 15 deste mes a súa cea solidaria a beneficio de Cáritas. A cita que se celebrará no restaurante Don Manuel de Monforte, contará coa actuación de “Os Parentes” de Sober e do mago Alfonso X. Hoxe é o último día para adquirir as entradas, coas que se poden facer no propio restaurante, na imprenta Fénix, librería Agrasar, Muñequita e a parroquia da Estación.
