Desde a organización aseguran que será un momento para coñecer e compartir momentos de diálogo e reflexión sobre este tem, “Xa que, finalizando o 2024, atopámonos cunha realidade onde a inclusión real das mulleres na sociedade é unha total utopía, e esta discriminación é máis acusada se engadimos á ecuación algún tipo de discapacidade”.
Nesta charla poderanse aprender pautas e condutas respectuosas que faciliten a inclusión da muller discapacitada na sociedade, favorecendo que se sintan respectadas e valoradas. “Cando falamos da muller, estámonos a referir tanto na súa etapa adulta coma na infancia e xuventude. Polo que é vital a actitude da familia e toda a contorna para poder acompañar no camiño cara á inclusión das nenas/mulleres discapacitadas na vida cotiá”, afirman.
Trátase dunha única charla presencial en toda a provincia de Lugo, pensada para familias, profesorado, profesionais e toda persoa interesada e con empatía no tema. A Confederacíón de Anpas Galegas ofrece esta charla, cofinanciada pola Consellería de Política Social e Xuventude, a través da axuda a Anpas de Galicia para a promoción de igualdade e prevención da violencia de xénero.
A ANPA A Gándara ten entre os seus fins os seguintes:
- Asistir aos pais, nais e aos/ás titores/as en todo o que afecte á educación dos seus fillos e fillas.
- Requirir aos poderes públicos o cumprimento das leis, regulamentos e plans de actuación relativos á educación, reclamando a actuación que esta merece.
