A proposta destaca as vantaxes do castiñeiro, como a súa alta durabilidade, resistencia natural a fungos e insectos, estabilidade estrutural e beleza estética. Ademais, subliña o impacto positivo que tería na economía local, favorecendo a xestión sostible dos soutos e xerando oportunidades económicas para os propietarios.

“Aínda que o custo inicial desta madeira é superior ao de outras, como o piñeiro, a súa longa vida útil reduce os custos de mantemento a longo prazo, resultando nun investimento máis eficiente”, aseguran desde Courel Vivo e propoñen realizar proxectos piloto para exemplificar os beneficios deste material.

Con esta iniciativa, o grupo busca preservar o patrimonio natural e cultural do Courel, impulsando unha economía sostible que aproveite os recursos locais.