Un home tivo que ser trasladado polos servizos sanitarios por inhalación de fume tras orixinarse un incendio na súa casa, no municipio lucense de Chantada.

Tal e como informou o 112 Galicia, os feitos sucederon sobre as 23.45 horas deste luns. A esa hora, a Policía Local informou á central de emerxencias de que había un incendio nunha vivenda unifamiliar situada na rúa Benigno Ledo.

Os axentes xa desaloxaran o inmoble e confirmaron que un home necesitaba asistencia sanitarias por inhalación de fume. Así mesmo, os bombeiros conseguiron controlar o incendio, que provocou unha intensa fumareda na escaleira da casa.

A continuación, os efectivos de emerxencias realizaron tarefas de ventilación e, finalmente, comunicaron a relación de danos materiais: diferentes obxectos de plástico almacenados no garaxe calcinados, así como un motor eléctrico.

O dono do baixo foi traslado por inhalación de fume, primeiro ao momento de Atención Continuada (PAC) e, seguidamente, ao centro hospitalario de referencia.

No operativo participaron profesionais de Urxencias Sanitarias de Galicia-061, os Bombeiros de Chantada, a Garda Civil e axentes da Policía Local.