A cata que propicia estes premios foi organizada polo Centro do Viño e a Asociación Galega de Enólogos e tivo lugar os días 23 e 24 de novembro. Nela participaron 57 adegas da Denominación de Orixe Ribeira Sacra cun total de 141 viños.

En canto aos premios hai dúas categorías, Gran Patrimonio e Patrimonio. Os premiados como “Gran Patrimonio” recibirán un trofeo realizado en 3D e os premiados como Patrimonio levarán un diploma.

A maiores do anterior, os alumnos da Escola de Hostalería e Turismo Belarmino Fernández de Sober recibirán uns diplomas por teren colaborado no servizo da cata realizada.