O delegado territorial da Xunta en Lugo, Javier Arias, visitou este sábado aos nenos e nenas que participan na segunda edición do Campus de Nadal que organiza o Club Baloncesto Sarria co apoio da Xunta.

Durante catro días, os participantes reciben adestramentos adaptados por grupos de nivel para mellorar as súas habilidades na práctica do baloncesto, que se completan ademais con outras actividades deportivas, lúdicas e recreativas para fomentar o traballo en equipo e a convivencia.

Arias felicitou ao club sarriao por “darlle continuidade a este campus que lles facilita ás familias a conciliación” ao tempo que lles ofrece aos menores “unha excelente oportunidade de desfrutar do deporte e doutras actividades que fomentan a participación e a convivencia”.

Campus de Baloncesto de Nadal / Delegación Territorial