Segundo vén de informar o Instituto Armado, o 20 de xaneiro recibiron información sobre o roubo cometido neste vello local de lecer nocturno, o que motivou a apertura dunha investigación. Os axentes solicitaron datos sobre un vehículo de alta gama de cor negra que, supostamente, merodeara na zona da antiga discoteca durante os días dos feitos.

Nun dispositivo de control no centro de Quiroga, a Garda Civil logrou identificar ao condutor deste coche que, no seu interior, transportaba unhas portas de aluminio, unha mochila, dous coitelos de grandes dimensións, unha machada e un martelo.

Tamén posuía unha bolsa con 50 gramos de marihuana e carecía de permiso de condución, seguro e da ITV en vigor. Por todo iso, o individuo figura como investigado no xulgado por un delito de roubo con forza e outro contra a seguridade viaria.