O pleno do Consello Regulador Ribeira Sacra reuniuse o pasado 10 de febreiro de 2025 para aprobar a suspensión temporal, por solicitude da Comisión de Viticultura e ata o 15 de agosto de 2025, das inscricións de novas viñas no rexistro de viñas da D.O. Ribeira Sacra. A excepción a esta suspensión aplicarase para naqueles concellos nos que a súa delimitación planimétrica estea aprobada polo pleno do consello regulador antes da devandita data.
O Consello Regulador procede deste xeito a iniciar a delimitación planimétrica do territorio onde figuren os terreos susceptibles de estar amparados pola D.O. Ribeira Sacra. Esta información, unha vez aprobada polo pleno do Consello Regulador, será publica para toda persoa interesada na súa consulta.
INSCRICIÓNS E OUTROS TRÁMITES NO REXISTRO DO CONSELLO REGULADOR
Os viticultores poden seguir solicitando inscricións de novas parcelas pero só se resolverán antes da devandita data se o concello no que están xa foi delimitado. Para os concellos que non dea tempo a delimitalos nesta campaña as solicitudes analizaranse polo órgano de control e, de ser o caso, pola Comisión de Viticultura a partir do 15 de agosto deste ano. O resto de cambios no rexistros do Consello (cambios de titular, cambios de variedades,…) seguiran realizándose como ata agora.
“Esta é unha das medidas encamiñadas en avanzar pola senda de calidade dos produtos amparados pola D.O. Ribeira Sacra, para situar a D.O. como unha zona vitícola referencial no estado”, comentan dende o Consello Regulador.
