HomeEconomíaAceite gourmet made in Taboada

Aceite gourmet made in Taboada

Co comezo do ano arrinca no concello de Taboada unha nova empresa de produción de aceite agroecolóxico.

Publicado o

- Advertisement -

O proxecto, que se pon en marcha o vindero mes, supón a plantación de 10 hectáreas de oliveiras e a construción dunha Almazara para a produción de aceite agroecolóxico. Este modelo de negocio busca comercializar aceite completando o ciclo produtivo: plantación, recollida, extracción, transformación e comercialización directa, co fin de facer o modelo máis rendible.

O carácter reducido da explotación vai encamiñado a obter un aceite dunha alta calidade, a través dun produto saudable e de cercanía. Ademais, este xeito de produción fai posible a comercialización deste produto como “gourmet”, tanto polos estándares no proceso de produción como na cantidade, moi limitada en comparación con outras explotacións.

A inversión inicial para desenvolver este negocio e de 132.500,00€, dos que 10.000 euros son aportación da Deputación a través dos premios Emprendemento no rural, unha iniciativa que pretende fomentar a creación de empresas e de emprego no rural.

Os outros catro premiados que se deron a coñecer son iTechTerm, proxecto da Terra Chá que desenvolve un sensor de monitorización de temperatura para vacas de leite; Radis, unha empresa de detección de Radón; o Centro Residencial San Vicente, unha residencia para persoas maiores en Rábade; e Cantina Albergue Camiño de Santiago, un albergue en Palas de Rei. Estes modelos de negocio xerarán a medio e longo prazo uns 30 novos postos de traballo en zonas rurais da provincia

ÚLTIMAS

Unha APP de balde conectará a oferta e a demanda de emprego na provincia

A Deputación de Lugo vén de anunciar o lanzamento dunha APP móbil gratuíta, DeputaciónLugo...

Pantón homenaxea á súa bibliotecaria Milagros Pardo

Milagritos, a bibliotecaria Milagros Pardo, recibirá unha homenaxe o vindeiro 24 de maio en...

O PP provincial esixe prazos para o arranxo da N-540

Os populares preguntaban sobre a data efectiva de comezo e as obras executadas ata...

Como limpar os montes e evitar lumes ao carón das casas?

A Xunta ofrece plantas específicas nestas franxas secundarias para evitar incendios. Os propietarios teñen...