O Grupo Provincial Popular participou este venres na concentración da N-540, mobilizacións que promove a cidadanía e das que participan tamén os alcaldes dos concellos afectados.
O voceiro provincial do PP, Antonio Ameijide lamenta que non se saiba nada do arranxo anunciado por Pedro Sánchez, ante a falta de mantemento evidente, “con treitos nos que a seguridade viaria non existe, seguiremos ao carón dos veciños e realizaremos todas as reclamacións que sexan necesarias ata que a N-540 estea en boas condicións e sexa segura”.
Lembran os populares que esta estrada é fundamental para a provincia de Lugo xa que “non podemos esquecer que é a única conexión coa Alta Velocidade ferroviaria xa que o Goberno de Pedro Sánchez non prevé que este servizo estratéxico chegue a nosa provincia”
Ameijide recorda que defenderá unha moción para que toda a corporación amose o seu apoio a reclamar ao Goberno do Estado o arranxo “urxente e inmediato desta estrada. O acordo é moi sinxelo, ou se está do lado dos veciños e da seguridade viaria ou se está do lado da discriminación que Pedro Sánchez aplica aos lucenses”, conclúe.
Concentración N-540 iniciativa popular / PP provincial
