Segundo Esperta Monforte a práctica totalidade dos concellos que forman parte da Ribeira Sacra teñen rutas de sendeirismo polo medio natural e por sendeiros acondicionados a tal fin, moitos homologados, publicitados e por sendeiros naturais que maioritariamente transcurren por fóra do asfalto.

“É triste que a capital da Ribeira Sacra continue a día de hoxe sendo o único concello que non teña rutas de sendeirismo incorporadas aos seus programas de ocio, deporte e turismo. Non imos  desistir no noso intento de mellorar a nosa cidade e traeremos cantas veces entendamos oportunas esta actuación sinxela e barata para o noso concello”, explican desde Esperta Monforte.

Considerando que o concello ten lugares paixísticos de moita fermosura e que merecen ser coñecidos a través de sendeiros para andainas, homologados e publiciatados, solicitan na moción: Facer un estudo de Rutas de Sendeirismo do municipio, Financiar e acondicionar de forma progresiva cada unha das que se considere oportuno e Publicitalas a través das redes sociais.