Arantza Portabales presentará a súa última novela “Asasinato na casa rosa”. O libro está dispoñible en galego e castelán. Ao finalizar o acto, a autora asinará exemplares das súas publicacións.

Tras a espectacular acollida das súas anteriores novelas negras, Arantza Portabales inicia unha nova serie, Os crimes de Loeiro, protagonizada por Santaclara & Araújo. A inspectora Iria Santaclara, de baixa para atender o seu home convalecente, recibe a sorprendente chamada do millonario Ulises Villamor. O empresario cre que a súa muller foi asasinada hai catro anos e quere que a inspectora investigue os feitos, trasladándose á súa mansión en Loeiro, a Casa Rosa, onde vive coa súa familia, porque sospeita que o responsable é alguén do clan familiar. Ao pouco de iniciar as pescudas, a inspectora bate cunha nova morte e, ante esta inesperada circunstancia e o complexo da investigación, procura a axuda do seu antigo xefe, o comisario xubilado César Araújo. E así os dous tentarán desvelar a rede de misterios, mentiras e intrigas que envolven a familia Villamor.

A asistencia ao acto require inscrición con entrada, a través de Bizum ou en Librería Agrasar, tendo de límite este venres:

• 29,90 €: Inclúe o libro, un viño e un petisco
• 14,90 €: Goza da experiencia culinaria e literaria sen o libro. Inclúe viño e petisco.