Montserrat Mulet foi elixida nova presidenta do PP de Paradela, de onde é alcaldesa, no congreso da agrupación local do partido, celebrado este xoves, e no que Mulet foi designada por aclamación, ao ser a única candidata presentada.
A presidenta provincial do partido, Elena Candia, que participou no congreso xunto a outros cargos da formación, agradeceu á alcaldesa de Paradela que asumise esta responsabilidade e destacou a súa “lealdade” co proxecto do PP e cos seus veciños.
Montserrat Mulet contará na súa directiva cos concelleiros Jesús Pablo López (secretario xeral), Ana Belén López (secretaria de organización), e Hugo Morán (vogal), xunto a Marisol Arias, Rocío Domínguez, Manuel Sánchez, Iria Regueiro, Nuria López, Marcos Rodríguez, Susana Núñez e José Luís Pérez. Ademais, no congreso, José Manuel Mato foi nomeado presidente de honra.
