As xeadas e baixas temperaturas fan que nos camiños e estradas do Courel se acumulen grandes cantidades de neve e xeo. A situación fai fundamental botarlle sal a estas vías para que os veciños poidan circular por elas sen problemas. O PSOE de Folgoso do Courel asegura que en moitos puntos non se fixeron estas tarefas esta fin de semana e por tal motivo varios veciños quedaron se poder facer as súas xestións. Por iso solicitan ao Concello que solucione esta situación que está prexudicando a ducias de veciños.

Para os socialistas estes problemas responden á falta de previsión por parte da Alcaldesa, xa que o concello ten a súa disposición o servizo de vías e obras da Deputación do que pode reclamar a axuda, pero non se fixo esta xestión. Segundo o PSOE, “a Alcaldesa de Folgoso non está pola labor de ofrecerlle aos seus veciños as estradas que merecen” e aseguran que casos así demostran que á rexedora lle preocupan máis seus intereses persoais que as necesidades dos cidadáns.