As familias sairon en bicicleta cos seus nenos por un roteiro que partía do colexio pasando polo dique, rúa Chantada, rotonda do Hórreo, volta ata a rotonda do Parque dos Condes, para pasar por diante dos Escolapios cara Carud, Pinguela, para despois cruza a ponte polo paseo novo ata chegar pola senda peonil ao Parque dos Condes e xuntarse no cadrado onde tiveron oportunidade de repoñer forzas.
Os nenos e nenas máis pequeniños que participaron da actividade saían directamente do parque infantil da Pinguela, aínda que algúns valentes fixérono desde o propio colexio. Como cada ano completouse a actividade cunha recollida de alimentos no colexio que se realizou durante toda a semana para o banco de alimentos.
Ademais, este ano, e para conmemorar o Día das Letras Galegas, cada participante levaba un dorsal cunha palabra típica galega como: Ledicia, Bico, Xoaniña, Meiga, Brétema, Moucho, Lareira, Rechouchío…Finalizouse o roteiro cun pouco de música tradicional grazas a dous papás do centro que tocaron a gaita e a pandeireta.
Día da bici e Letras Galegas 2025 / Colexio Novo de Monforte
