Como exemplo de que é posible a peonalización inmediata, lembran que con motivo das festas de San Antonio ou na Feira Medieval péchase ao trafico rodado a ponte sen causar trastornos no tráfico de Monforte, “A reorganización do tráfico rodado pola contorna sería suficiente para evitar este irreversible atentado ao medio natural e urbanístico da cidade”.

Como exemplo poñen Ourense que no 1998 “coa desculpa de acometer unhas obras pechou a súa Ponte Romana e xa non a volveu a abrir ao trafico rodado. Non tiñan aínda feita a ponte do Milenium e organizáronse utilizando a Ponte Nova polo que non temos mellor exemplo que unha cidade catro veces maís grande que Monforte e que mantivo a súas comunicación grazas a dúas pontes, algo do que nós xa dispoñemos”.

Con todo, a moción de Esperta Monforte para o pleno deste luns solicita:

• A reorganización do tráfico rodado entre as zonas de San Antonio, Ramberde e a súa contorna e que se paralice de forma inmediata o tráfico rodado pola Ponte Medieval, pasando a ser peonil.
• Que se fagan as xestións necesarias coas administración implicadas, para acometer o acordo xa aprobado no pleno de dar continuidade á estrada de circunvación ata a N-120, aproveitando a ponte que enlazaría por debaixo da Escola Taller coas estrada de Sober que serviría como o enlace da parte sur da cidade.