Un ciclista ao que buscaban desde este xoves apareceu falecido nunha pista forestal do concello lucense de Monforte de Lemos, na zona da serra de O Fabeiro. O implicado foi localizado por familiares e veciños que participaban na súa procura, iniciada na noite do xoves, tras saír o home a andar en bicicleta e non regresar ao seu domicilio.antes das 23.00 horas, un veciño contactou co 112 para informar de que o home saíra en bicicleta pola tarde e non volvera a casa. O servizo deu aviso a Urxencias Sanitarias de Galicia-061, á Policía Nacional, á Local e aos voluntarios de Protección Civil de Monforte de Lemos. Pasada a medianoite, un dos alertadores volveu contactar co 112 para confirmar que o localizaron sen vida. Ata o lugar desprazouse o 061, que certificou o falecemento.