A voceira popular, Katy Varela, sinala que, “segundo as informacións que nos chegan, nese informe aparecería o nome de Monforte, en relación a unha suposta adxudicación irregular polas obras de emerxencias levadas a cabo por Adif entre Monforte de Lemos e Lugo”. Varela explica que “trataríase dunha obra dun millón e medio de euros na que o empresario Daniel Fernández Menéndez lle solicita a Koldo García a súa mediación para adxudicar a unha determinada empresa a obra en cuestión.”

“Non temos constancia de que o nome do noso alcalde saia neses documentos, e non imos a facer acusacións infundadas, pero si nos preocupa que saian nomes próximos a el e a noso municipio como a pregoeira das últimas festas, Isabel Pardo de Vera ou o secretario Santos Cerdán, que recentemente estivo co alcalde na nosa cidade. Tampouco nos gusta que o nome de Monforte saia nun informe que pode ser clave en distintas imputacións sobre adxudicacións irregulares”, sinalou.

Os populares anuncian que no próximo pleno lle preguntarán ao rexedor se poden estar tranquilos “e se non sairán outro tipos de informes onde apareza o nome da nosa cidade ou incluso o de el mesmo”.