O acto, que terá lugar o domingo, 29 de xuño, ás 13:00 horas, consistirá nun picnic veciñal aberto a toda a cidadanía, co obxectivo de amosar de forma pacífica pero contundente o rexeitamento social ao peche dun espazo que forma parte do patrimonio emocional e cultural da cidade.

O Anchoas, en funcionamento desde o ano 1963, explica a Platafoma, que é moito máis ca un bar, “representa un lugar de encontro interxeracional, de convivencia e memoria colectiva para moitas xeracións de monfortinas e monfortinos.

Salvemos o Malecón insiste, “queremos defender o Anchoas non só como negocio, senón como símbolo vivo da nosa identidade común. Non imos permitir que desapareza sen que a voz da veciñanza sexa escoitada”.

Para o picnic cada persoa deberá aportar a súa propia comida para celebrar a actividade nun ambiente festivo e familiar, con música e distintas accións simbólicas.