Agroma Sober xa ten levado a pleno a situación da depuradora, e tal como recoñeceu o Goberno local, prevese un convenio con Augas de Galicia para cambiar o sistema electrónico da ETAP de Canaval, “Cando hai cheas, chega a desbordar e a auga sen depurar. Esta situación motivou verquidos á zona, polos que o Concello tivo sancións da Confederación.
Desta vez, sendo verán, os paros da depuradora fan que o cheiro sexa insoportable”.
Denuncian tamén que a obra do novo Punto Limpo está rematada pero sen todo o equipamento necesario. Sinalou o Goberno no último pleno, a preguntas de Agroma Sober-IGV, que estaría finalizado en xuño e que se limparía o exterior, “mais estamos a final de mes e continúa igual”.
Esta formación política considera que ademais do arranxo pendente, a contorna da depuradora merece unha actuación de mellora, “pois hai fochancas e o espazo está moi degradado, como sucede no camiño do Punto Limpo. Ao atrancar o camiño os desperdicios do Punto Limpo, quedan os lameiros sen acceso e cheos de maleza”.
Para Agroma Sober é “intolerable” o estado da ETAP e da zona do Punto Limpo nun Concello coa “Bandeira Verde de Galicia”. “O ideal sería dotar a Sober dunha nova depuradora”, conclúen.
Camiño acceso punto limpo / Agroma Sober
