Esperta Monforte presenta ao pleno unha moción para incrementar a partida de subvencións de concorrencia competitiva, consideran que hai moito desfase entre o que se destina para as Festas Patronais e o que se destina ás festas de barrios e parroquias. Así solicitan incrementar a partida de subvencións en réxime de concorrencia competitiva para o ano 2026 en 75.000€ e estudar as distintas posibilidades para incrementar ata os 12.000 euros a subvención para as festas do San Antonio.
A outra moción refírese é remunicipalización do abastecemento municipal. Tódolos partidos políticos recibiron en decembro do 2023, o informe remitido dende o goberno municipal que fai referencias ás necesidades, prioridades e puntos débiles na nosa rede de abastecemento. Con estes antecedentes e tralo acordo do Consello de Ministros de destinar 10 millóns ao abastecemento de Monforte, Esperta Monforte volve reclamar a remunicipalización do servizo. A isto engaden que o contrato de Aqualia remata en xuño do 2026. Piden con esta moción estudar tamén a posibilidade de as tubaxes se arranxen con cargo ao concello.
Esperta Monforte presenta a pleno dúas preguntas e un prego, co último solicitan o arranxo da beirarrúa, levantada na rúa Correoira á altura do supermercado. No apartado de preguntas interésanse por se o concello vai devolver ou pagar os terreos do Parque do Hospital a Gas Monforte SL, despois do que o Tribunal supremo non admitira a trámite o recurso de casación contra a sentenza que obliga ao concello a devolver ou pagar os terreos; e preguntan tamén, cantas horas de utilización dos campos de fútbol do Calasancio executou o Concello de Monforte a través do convenio de cesión que teñen asinado ambas entidades
