“Turembalses dotará ao turismo rural do noso territorio dun elemento de diversificación e atractivo, dunha análise da oferta e da demanda innovadora no noso país; e unha alternativa ao turismo azul diferente á costa”, explicou a deputada, Pilar García Porto, que estivo acompañada do allcalde do municipio, Roi Rigueira Agromartín, unha representante do proxecto a nivel nacional e persoas vencelladas ao turismo e ao desenvolvemento rural en Taboada e a súa contorna.
A responsable provincial destacou que “na Deputación de Lugo sabemos que a nosa provincia conta cun gran número de encoros e recursos fluviais que, ademais de ser paisaxes naturais de gran beleza, tamén son un patrimonio cultural e histórico moi importante”.
O Deputado de Promoción Económica e Social, Pablo Rivera Capón, asistiu á xornada informativa do Centro do Viño da Ribeira Sacra, que inaugurou a concelleira, Gloria Prada; e o Deputado de Medio Ambiente, Carlos López López, introduciu as cuestións claves deste proxecto no local social do concello de Negueira de Muñiz.
O obxectivo destas sesións é que os axentes interesados coñezan de primeira man as características do proxecto, obxectivos e destinatarios; como formar parte do proxecto e as oportunidades de formación, asesoramento e promoción para entidades ou empresas.
Xornada encoros / Deputación de Lugo
