Un grupo de alumnos do CPR Plurilingüe Fed Torre de Lemos de Monforte inauguraron as visitas guiadas ás instalacións do novo Servizo de Audiovisuais da Deputación.

O Voceiro do Goberno provincial, Álvaro Santos, acompañou aos estudantes durante o seu percorrido polo Centro de Produción de Audiovisuais, no que coñeceron os distintos departamentos dunha televisión e o seu funcionamento, desde as salas de realización e edición ate o arquivo.

Santos Ramos animou aos rapaces a estudar neste Centro de Formación de Audiovisuais, o único da provincia que imparte ensino superior de Realización e Produción. O Servizo de Audiovisuais da Deputación continuará co programa de visitas didácticas destinadas especialmente ao alumando dos centros educativos da provincia.