Non tendo estudos da Administración pública que afonden alén das cifras, a Federación de Asociacións de Mulleres Rurais (Fademur) realizou o ano pasado unha enquisa pola súa conta –coa colaboración de profesionais da área de violencia de xénero e unha empresa demoscópica– para analizar a percepción que se ten no rural sobre esta lacra. Os resultados, 6 de cada 10 mulleres de ámbitos non urbanos coñecen situacións de violencia de xénero, son preocupantes.

Aos casos de violencia de xénero no mundo rural non se lles presta a mesma atención nin os mesmos recursos económicos que aos de ambientes urbanos: unha menor autoconciencia, unha visibilidade máis baixa e un maior estigma social ante a falta de anonimato son factores que axudan a entender esta cuestión. Máis información no Galicia Confidencial.